ՋԵՐՄԱՁԵՎԱՎՈՐՎԱԾ ՍԱԼԵՐ
(ППС25Ф-Т-Б, ППС35Ф-Т-Б)
Տան առավելագույն հարմարավետությունն ապահովելու նպատակով անհրաժեշտ է ջերմամեկուսացնել ոչ միայն պատերը, այլ նաև հատակը: Այսօր բազմաթիվ տաքացուցիչ նյութեր կան, բայց ամենաարդյունավետը համարվում է պենոպոլիստիրոլը: Հատակի ջերմամեկուսացումը պենոպոլիստիրոլով բավական հեշտ գործընթաց է, որը թույլ է տալիս ապահովել տան տաքությունը: Բացի այդ, նյութը հրկիզվող չէ և էկոլոգիապես մաքուր է:
Ժամանակակից պենոպոլիստիրոլը ոչ թանկ նյութ է, լայնորեն կիրառվում է ինչպես ամառանոցների, այնպես էլ բարձրահարկ շենքերի շինարարության մեջ: Պոլիստիրոլի հատիկները ջերմության ազդեցության տակ ուռչում, փքվում են, այնուհետ եռակալում` վերածվելով սպիտակ գույնի նյութի: Արդյունքում ստացվում է պենոպոլիստիրոլը:
Պենոպոլիստիրոլի ամեն մի հատիկը բաղկացած է բազմաթիվ օդով լցված մանր բջիջներից: Հենց սրանով էլ բացատրվում է նյութի արտասովոր թեթևությունը, քանզի նրա բաղադրության 97%-ը օդ է:
